cfcw-banner.gif
facebook   youtube 

Today's Message...

Ps 84:11
"Want die HERE God is ‘n son en skild; die HERE sal genade en eer gee; Hy sal die goeie nie onthou aan die wat in opregtheid wandel nie."

IMG 20171018 WA0001

Ons het gister gesien dat daar is iets omtrent die arend wat vlieg na die hemele toe wat anders is as enige ander voël. Jy sien die arend lig sy oë op na bo soos Stefanus!! Hy lig sy oë op na die hemele. Die arend vlieg die son in ..... !! Met ander woorde moenie rondskommel met oë op die grond of met dinge voor jou nie. Nee, kyk op na Abba Vader, gefokus op Hom en sien dinge uit Abba Vader se perspektief. Jy sien die regverdiges leer om op te kyk soos arende!! ‘n Man vol van geloof en van die Heilige Gees soos Stefanus is 'n man wat opkyk na sy Koning toe as dit begin klippe reën in die natuurlike. So wanneer vlieg die arend reguit die son in? Daar is twee kere wat die arend reguit die Son in vlieg – No 1: Wanneer 'n storm kom. Jy sien wanneer 'n storm kom hardloop kalkoene en hoenders na hulle nesse of hokke toe maar 'n Arend vlieg reguit die son in en vlieg bo die omstandighede uit nader aan Abba Vader, Sy beskermer. Die vraag is wat doen ek en jy? Is ons die kalkoen of die arend? Kalkoene hardloop en gaan kruip weg maar arende vlieg hoër as die probleem ... afgesonderd ....... op na die hemel toe. Kalkoene hardloop rond as daar probleme is met hulle finansies, hulle huwelike, hulle gesondheid. Hulle hardloop rond van mens tot mens en spreek dood oor alle omstandighede. Hulle hardloop rond en spreek dood in die kerk, oor almal en oor alles. Nee nee nee Arende spreek lewe en sien 'n storm as 'n geleentheid. Hulle rig hulle fokus na bo en vlieg nader na hulle Beskermer toe.

Jy sien wanneer 'n arend opmerk 'n storm is oppad maak hy sy vlerke wyd oop en hy daag die storm uit. Wanneer Abba Vader se asem, die Heilige Gees binne ons is en die storms van die lewe kom hoef jy nie soos die volstruis jou kop in die grond te gaan druk nie …nee, die storm is nie daar om jou op te skeur nie maar om jou op te tel nader aan Abba Vader en om Hom te sien. Jy sien daar is iets in ons wat alle en elke storm van die lewe wil uitdaag!! Jy het vandag dalk 'n storm in jou lewe en dit voel dalk vir jou jy moet net wegkruip .... hoor gou-gou jy gaan vandag nog bly wees oor die storm in jou lewe!! Want weet jy? Jy is 'n arend ... jy kan storms van die lewe trotseer, jy was gebou en gevorm vir dit. Johannes sê in 1 Joh 4:4 "Julle is uit God, my kinders, en het hulle oorwin, omdat Hy wat in julle is, groter is as hy wat in die wêreld is." Hoor gou gou weer ….. “het hulle oorwin.” Paulus sê in Fil 4:13 "Ek is tot alles in staat deur Christus wat my krag gee." So wanneer die storms van die lewe kom .. is ons nie kalkoene wat die hele wêreld rondharloop op soek na ons eie nessies nie… nee ons is arende wat ons vlerke oopsprei ... opkyk na Abba Vader toe .. en wat bo die storms uitvlieg. Dis wanneer ek begin sê: Abba Vader dankie vir hierdie storms want hierdie storms gaan my net nog hoër en nader aan U plan, U droom, U roeping vir my lewe vat. Ja, nader aan Abba Vader as enige vorige keer.

Dan die tweede rede hoekom arend ‘n arend die son reguit in vlieg is No 2: Wanneer die vyande kom. Die arend het een natuurlike vyand en dit is die Condor. Hy weeg tussen 7.7 en 15kg. Sy vlerkwydte kan uitspan tot en met 3 meter. Hy is presies soos sy familie die aasvoël. Hy soek net dood en lewe op dinge wat dood is. Hy het 'n minagting op die arend wat lewe op lewende goed. Hy hou nie van die arend nie en sal op 'n arend afvlieg en sy kloue in 'n arend in druk en dan sal hy sy vlerke klein maak en omdat hy so swaar is sal sy gewig die arend begin afdruk. Die condor, soos die vyand, weet iets van die arend ... hy weet die enigste manier om die arend te oorwin is om hom op die grond te kry. Die vyand weet die enigste manier hoe hy ons kan verslind, vermorsel en doodmaak is om ons koppe in die grond te kry met al sy gewig. Jy sien as die vyand jou kan kry om af te kyk soos wat Petrus gedoen het toe hy op die water geloop het .... en jy bly afkyk vir jou omstandighede is dit net 'n kwessie van tyd voor hy jou oorwin en jou verdrink.

Jy sien, soos die arend het jy een van twee houdings: Ek is reeds bo die storm gefokus op Hom of ek is besig om bo die storm uit te styg. Ek is afgesonder, gefokus op Hom en Hom alleen!! So as iemand jou vra hoe doen jy vandag ... sê: ek is bo of ek is besig om bo die storm te kom. Jy sien .... wat is nog 3 meter om te vlieg as jy reeds deur hel en seer is!! Jy het nodig om net aan te hou .... jy moet net volhard .... en moenie toelaat dat omstandighede of enige storm jou afdruk nie, nee…. druk deur boontoe!! Liggaam van Yeshua kom ons druk deur .... kom ons span ons vlerke uit en "Catch the wind!" Dalk het die storm jou beetgepak of 'n Condor het sy kloue in jou kom druk en is besig om met alle geweld om jou af te druk ... jou fokus van Abba Vader af te haal .... Ek weet jy is moeg geveg en jy het seer, maar ek wil vandag vir jou sê: Kyk op .... jy het nodig om op te styg ... jy kan nie nou gaan lê nie ... catch the wind!! Die arend vlieg hoog en hoër op in die son want hy weet die condor kan nie die son in die oë kyk nie en hy kan.

Net so moet ons nie die geveg hier op aarde veg nie. Paulus sê in Efe 6: 12 "Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug." Jy sien ons geveg is nie in die vlees nie .. met ander woorde as ons mekaar met modder gooi is ons eintlik besig om hande te vat met die vyand. Dan al wat jy besig is om te doen is om fokus te verloor want dis presies wat die vyand wil hê jy moet doen – jou fokus is nie meer op Abba Vader nie maar op ander. Kom ons spreek lewe !! Jy sien Abba Vader se drome vir jou is meer as die sandkorrels op die strand en jy is die kop en nie die stert nie. So kom ons vat ons storms en gevaar na Abba Vader toe deur tyd op ons knieë en tyd in Sy Woord!!

IMG 20171018 WA0002

Kom ons bid saam:
Abba Vader, Koning van my hart ek loof en prys U. Vader U is my son en skild! Dankie dankie Pappa God vir U krag en dat ek my oë na U kan rig, U is my toevlug. Nader en nader aan U Pappa God. Ek bid dit alles in Yeshua Ha-Mashiach se naam, die Seun van Yahweh. Amen. Shalom.

Audio Boodskap